自從Pokemon Go誕生,全球各地嘅比卡超熱潮不但從來冇減退過,呢股比卡超風仲越吹越勁,今次仲吹到去韓國添!韓國化妝品品牌TONYMOLY同比卡超crossover,推出一系列各款化妝品同產品!各位比卡超粉絲見到係咪已經心心眼呢?快啲一齊黎睇下今個系列有咩產品啦!

 

【百變韓國-全新推出TONYMOLY X 比卡超化妝品!】

圖片來源:m.etonymoly.com/

率先為大家介紹嘅就係少女必備嘅BB cushion,鏡盒上有大大個比卡超頭,外形夠哂得意。相信鍾意比卡超嘅你應該失去哂抵抗力啦!除左外形得意之外,呢款cushion嘅SPF有50+同埋PA +++,具有遮擋紫外線同皺紋及美白三大功能,絕非虛有其表。而且有兩款選擇,梗有一款適合你!價錢為23,800韓圜,大約係港幣$156。

 

【百變韓國-全新推出TONYMOLY X 比卡超化妝品!】

圖片來源:m.etonymoly.com/

要搽粉又點少得粉撲?呢個系列推出左車厘龜同埋比卡超款式,一set有哂4款。價錢係8,000韓圜,大約係港幣$153。

 

【百變韓國-全新推出TONYMOLY X 比卡超化妝品!】

圖片來源:m.etonymoly.com/

除左化妝品,就連潤唇膏都有推出,仲要有3款咁多。比卡超係芒果味,小火龍係菠蘿味,而波波球就係草莓味,總有一款你會鍾意!價錢係7,000韓圜,大約係港幣$53。

 

【百變韓國-全新推出TONYMOLY X 比卡超化妝品!】

圖片來源:m.etonymoly.com/

今個系列除左各位少女可以用到之外,就連媽媽同埋小朋友都有份!不過當然唔化妝品,而係乳液。就算小朋友有皮膚敏感都唔怕用唔到,因為呢款乳液係特別設計,特設防敏感。價錢係13,000韓圜,大約係港幣$85。

 

【百變韓國-全新推出TONYMOLY X 比卡超化妝品!】

圖片來源:m.etonymoly.com/

黎到介紹最後一件產品,就係人人都會用到嘅沐浴露!無論你鍾意比卡超定車厘龜,見到大大個咁可愛嘅樣又點捨得唔買啊?比卡超沐浴露對乾燥皮膚特別有效,而車厘龜沐浴露就助補充水份。價錢係12,800韓圜,大約係港幣$84。睇完咁多款產品,你又揀好未啊?