今個冬天真係不太冷,平均都係19度左右,啱曬一個人或者同朋友跑跑步!今日就為大家介紹五條市區必跑、交線方便同有靚景睇嘅跑步路線!

將軍澳
將軍澳可以話係最適合跑步嘅新市鎮,可以跑足十公里都只過一條馬路。要喺將軍澳跑得開心,我哋推介先搭港鐵至調景嶺站A出口。然後向右跑入海濱公園並跟著以下地圖路線就可以跑足十公里啦!當然對初學者嚟講十公里比較難完成,大家可以跑至將軍澳運動場後繼續直跑,不經坑口、寶琳,禁就可以跑出五公里成績。再甚可以跑完海繽公園經寶邑路直跑回調景嶺站,即可跑出三公里成績。若讀者需放置物品和沐浴可以於將軍澳運動場出發。該處有儲物柜供借用。
 【潮玩港九—五大推介城市緩跑路線】

【潮玩港九—五大推介城市緩跑路線】

﹙圖片來自Google Map﹚

 

沙田
將軍澳可能對沙田嘅朋友比較遠,唔緊要,沙田一樣可以跑得舒服!讀者們可以先搭港鐵到沙田地鐵站,再喺沙田大會堂後嘅公園作熱身,然後就可以沿城門河跑。由沙田市中心出發自沙田划艇中心就會得到十公里嘅成績。路線一路都會經過港鐵站,讀者可按自身需要定跑步距離。
 【潮玩港九—五大推介城市緩跑路線】


【潮玩港九—五大推介城市緩跑路線】

﹙圖片來自維基百科﹚

 

杏花邨
但如果想簡簡單單出身汗,又唔想跑太長距離,可以到杏花邨慢跑兩公里半。以杏花邨海濱長廊北面盡頭出發,跑至杏花邨遊樂場再入盛泰道,最後以柴灣道作終點。海濱長廊一段一路睇海景一路吹住海風跑,啱曬初學者!
 【潮玩港九—五大推介城市緩跑路線】


【潮玩港九—五大推介城市緩跑路線】

﹙圖片來自Grassroot﹚

 

 

港島南
港島南嘅朋友就可以以鴨脷洲海怡半島作起點,經鴨脷洲橋道到香港仔海濱公園。此路線全長五公理,來回就有十公里成績!讀者貞可按自身需要決定路線長短。相信對新界九龍嘅讀者日常好少有機會到鴨脷洲,不如襯港島南線開通,入去跑番轉啦!
 【潮玩港九—五大推介城市緩跑路線】


【潮玩港九—五大推介城市緩跑路線】

﹙圖片來自Google Map﹚

 

屯門
將軍澳有海濱跑,屯門一樣有!以屯門海濱公園出發,一路睇靚景一路跑,經過青山灣海傍入湖山河畔公園再番到屯門海濱公園,最後以蝴蝶灣公園作終點就有九公里距離!啱曬屯門嘅朋友!需要放置個人 物品嘅朋友可以喺賽馬會屯門蝴蝶灣體育館放置行裝再出發。
 【潮玩港九—五大推介城市緩跑路線】


【潮玩港九—五大推介城市緩跑路線】

﹙圖片來自perthurbanrunners.com