電影《你的名字》早前掀起一股難以抵擋嘅熱潮,相信全香港冇人會未聽過呢套電影嘅鼎鼎大名!甚至愈黎愈多人翻睇導演新海誠過往嘅作品,就連MCL戲院都舉行「新海誠的世界」嘅特別電影節,上映過往作品。既然香港都咁有聲有色,日本又點會輸蝕?日本嘅池袋PARCO同名古屋PARCO將會開設以電影《你的名字》為主題限定café,滿足一眾粉絲!

 

【日本潮聖-新海誠粉絲必去:你的名字限定主題café!】

圖片來源:the-guest.com/

相信就算你冇睇過電影《你的名字》,都一定會見過上圖左邊嘅海報。黎到主題限定café,你都可以化身男女主角影返張一模一樣嘅海報,夠哂浪漫!背景仲要擺喺樓梯到,設計位朋友認真細心!

 

【日本潮聖-新海誠粉絲必去:你的名字限定主題café!】

圖片來源:the-guest.com/

黎到限定主題café又點可以唔試下美食?café提供嘅美食全部都係電影裡面出現嘅嘅美食,包括男主角返學食嘅午餐丶女主角屋企嘅早餐同埋男主角食過嘅拉麵等等,真係夠哂綽頭!完全符合哂呢套電影嘅主題。

 

【日本潮聖-新海誠粉絲必去:你的名字限定主題café!】

圖片來源:the-guest.com/

除左主食之外,就連甜品都一樣唔例外!全部甜品都係以電影為主題,或者係戲裡男主角食過嘅甜品,試問一眾女粉絲又點會忍得到唔食?不過講到最特別嘅就一定係左上角以男女主角一齊睇到嘅彗星為主題嘅甜品,夠哂夢幻。

 

【日本潮聖-新海誠粉絲必去:你的名字限定主題café!】

圖片來源:the-guest.com/

飲品方面,當然都係以電影為主題。左上角嘅拿鐵咖啡會呈現返電影入面男主角寫嘅文字,相信一眾少女粉絲會即刻代入自己係女主角啊。右上角嘅就係以彗星為主題,利用雪糕同埋啫喱製造特別花紋。以下方嘅係以男女主角為主題,每款飲品都係花足心思設計。

 

【日本潮聖-新海誠粉絲必去:你的名字限定主題café!】

圖片來源:the-guest.com/

除左剛才介紹嘅美食同飲品之外,相信各位粉絲都會好期待café會推出咩限定產品!當然唔止上圖咁少款啦,不過當中小編最鍾意嘅就係呢幾款,包括左上角嘅file丶右上角嘅電話殼丶左下角嘅杯同埋右下角嘅袋。想知仲有啲咩產品?咁就快啲上官網睇啦!各位粉絲要留意兩間café嘅開放日期同埋時間,錯過左就冇啦!

 

池袋PARCO THE GUEST cafe&diner

地址:東京都豊島区南池袋1丁目28-2 (池袋パルコ 本館7F)

日期:2017年1月7日至2月7日

營業時間:10:00 – 22:00(最後點餐時間:食物:21:00 / 飲料:21:30)

最後一日營業時間:10:00 – 19:00 (最後點餐時間:食物:18:00 / 飲料:18:30)

網址:the-guest.com/kiminona_ikebukuro/

 

名古屋PARCOキャッツガーデン

地址:愛知県名古屋市中区栄3-29-1 (名古屋パルコ 西館8F)

日期:2017年1月27日至4月3日

營業時間:10:00 – 22:30(最後點餐時間:22:00)

最後一日營業時間:10:00 – 18:00 (最後點餐時間:17:30)

網址:the-guest.com/kiminona_nagoya/